Koreanisch, Grizzly Paw, Drake Inn, Zonas...*Schnarch*....Calgary

Hey hey Lütlis :)

Wi gits? Hie luft gino aus guet :)

Am Donnschtig büni nach de Schu mitem João, de Euna, am Yuzo u em Tae ga Koreanisch ässe. *Mmmmhmmm isch mega fein gsi!

Am Nami simer chli dür Canmore gschländeret, bevor wir him si. Canmore gfaut mir guet....mit de Ample u de Moskitos büni nid ganz aso zfrüde : P

Später isch de Masa verbicho u di 2 Jungs hi scho mau as Bierli killed. Statt am 18.30 im Grizzly Paw ds hocke wie abgmacht mitem Räschte vode Schu, isch de João sich ersch denn ga parat mache u so simer de haut ds spät dete gsi u di andere hi scho afa ässe. Defür himers zäme mitem Masa mega lustig ghäbe...

Sogar üsi Lehrerin d'Lili isch cho ässe. Leider isches für 4 Lütlis de letscht Abe gsi u as hi alli nomau richtig ufe Putz ghoue... Nachem feine Canadian Beefburger u x probierte Biersorte simer de witer ids Drake u später ids Zonas...det isches super gsi :D Party Party! DE Philippe üsa Grosspapi vode Schu het zum letschte Mau no a Rundi zahut.

De João het gsit i wärdi de o betrunke si...gsehmer ja de no : P Är het mir sogar versproche uf mir ufdspasse :) Am Schluss hani ihn aber ufem Himwäg dörfe stütze :P Irgendinisch het är no d'Idee ghäbe irgendwo ids Gras ds liege u dusse ds penne...jaja...

Irgendwie himers ömu him gschafft...u nach ungfähr 4h simer umi uf für uf Calgary. Zersch himer ds Outo ids Garage bracht, nai simer irgendwo inas riese Gschäft u dena ina chinesischa Lade. Det himer, auso ja het d'Mili jeda Scheiss zämekuft wases so git. Vo trocknete chline Krebse über trockneta Tintefisch, zu komisch iglite Frücht,....as hetti aber no grusigers ghäbe wosi zum Glück nid kuft het. Nachemna "grusige" Bean- u Taro-Smoothie simer de doch no öpis guets ga ässe :) Koreanisch again...
Im Outo isch nai a Sturmwarning cho mit Tornado-Gfahr...  :S

Dena simer ina Lade u i ha no nie söfu chlider kuft : P Aber ja...inisch im Jahr stit grosses Shopping a...das isch itze dedür! Denah simer no zum Farmers Market gange...Mmmmhhhm....überau probiere...überaus feins Zügs zum Ässe!!! Vo Griechisch, zu Koreanisch, Chinesisch,... Gäubi Kriesi, Crepes, Pie's,... Mega vüüuu, ungloublech :D Wedu überau chli probiersch hesch schlussändlich o gässe : P

Nach de himfahrt, hani afa packe für d'Wanderig u später hi d'Mili u de Joao zäme Gsunge u gmacht u ta...

So i mache de hie no a Picasa-Link mit de nüschte Fotos, damit i si nid immer dopplet tue/muess wuilade :D

Schöns Wuchenänd

Zrugg im Outo isch nomau a Tornado-Warnig cho mit Sturm,...

Iischhalla gfune :D

Hey there :)

Hüt büni umi schön brav id Schu mitem Bike. Dismau mitemna Schloss, da am Joao sis geschter isch gstohle worde :( Zum Glück git fasch aus ai für id Schu...wüu irgendwie stümmt öpis nid so ganz mitem Bike?! I chume nämlich für him nie vorwärts, obwouh i schaute u schnäu fahre...nütz nüt...tja...mau gugge obmu öpis cha mache.

Banff Education Center

Ide Schu gits lustig zue und här. Schad git de Roman, d'Jill, de Philippe u d'Melissa ends Wucha him :(

Nachem Mittag himer chli catch the spoon afa game...no comment ;)

Jill & Delphine

Dena büni chli im Internet gsi u hami schlussendlich ufe Wäg gmacht für d'Iischhalla ds sueche....u i hasi o gfune. Leider hi si meischtens nume für 1h offe für Public or Family Skating :( Aber immerhin besser aus nüt...u i hetti sölle miner Schlööf mitnäh :(( Aber ja...d'Milli het no 2-3 Paar im Garage woni sicher cha bruche....*bittebitte* De Joao het gsit är chämi de mit. Är wölli mau cho probiere u so hani scho mi erscht Hockeyschüeler : P

Hüt am Abe isch d'Milli mitem Darren ga z'Nachtässe u i bü mitem Joao dehim gsi u mi hi zäme Grillbieret...är beides i nume grillet ;) Zudäm himer ufem Laptop Fuessbaumatch gugget. 2 Mannschafte vo Brasilie hi gspüut...dewile himer fein gässe *MAIS* mit Wurst,...Zäme himer über a hufe Sache quatschet u är het mir no paar Sache zigt uf de Kamera :)

Joao am Grille :)

The three sisters

Endlich hanis o gschafft de Agador(?) alias Teppichporsche mit Fläddermusohre alias Batdog (vo Batman) ds Fötele...as Wunder isch Kamera nid explodiert ;)

U zuesätzlich hie as paar Fotos vom João, de Milli u em Darren :) ...u vom Sunneuntergang...

Sodeli wünsche öich umi amau a gueta Morge...während i no schnäu chli darf Husufgabe mache : P

Bye Bye

Wandere & Gastfamilie

 Jepp Lütlis i ha ufmöge u has o bis zum Spitz vom Paget Peak gschafft!!! :)

So am Sunntig simer dämfau früh ufgstane (7ni!), hi fein Zmörgelet u hi üs nai ufe Wäg gmacht nach British Columbia um de Paget Peak ds erklimme ;) De Andrew u si Hun de Lucky hi üs begleitet. Zum Afa isch dä Wäg super gsi bis zum Look out. Det het de d'Family Pfister Haut gmacht u chli d'Ussicht gnosse, de Brandon la umklättere, während de Andrew mit mir no ganz wui isch.

Jawohl so steil isches gsi...u mega rütschig, aber as het sech glohnt.

Da no de Bewis, dassi ganz Obe bü gsi ;) Zäme mitem Andrew & em Lucky

 

 

D'Ussicht isch mega schön gsi u di 5h Wandere hi sich glohnt....as isch scho mega schön hie :) 2 Murmutier hani gseh u de bescht chunt itze ;)

As isch zwar Verbote de Hun ab de Leina ds lah wüu, wenn är nid bi dir blibt chönnti a Bär ufschrecke. U wenn är nai us luter Panik zrugg zu dir secklet hesch du nai de Bär am Haus ;) Auso isches Verbote d'Hün ab de Leina dsla. Grob gsit du büsch säuber tschoud wedus machsch...

Genau glich isches Verbote d'Wüudtier ds fuettere.

Mi si auso umi ai (Rock- & Snowskiing, isch gäbig grütscht) u hi bim Look out umi di andere troffe. Währedn de kurzi Pousa si d'Hün nid ade Leina gsi zum Wasser triche u chli uma liege...nai het doch tatsächlich ini um di nächsti Tanna um mit as paar andere afa Murmutier fuettere!!! Super d'Hün hi wölle wüsse was det los isch u si natürlich ga gugge u hi 2-3 bället u si nai schön brav sofort zrug cho. D'Frou isch fasch usgflippet u het üs huere zäme gschisse...You have to put your dogs on the leash....are you crazy?!?!? Natürlich himer üs entschoudiget u ihra o gsit dases verbote isch d'Tier ds fuettere. I haven't feed any animals!! Yeahh sure... Ds Murmeli isch dis schöne Buchfett cho aluege wüus no chli brucht füre Winter : P

Ds Murmeli wosi gfuetteret het...wi wotta Hun das frässe?!?! Ma ja nid wui : P

Nai himer du nid witer möge stürme u hi üs ufe wäg gmacht. Doch di doofi isch üs naglofe u het üs gfüumet u gfötelet ohni unterbruch. Nach öpa 30min himer mau aghaute zum Gugge ob si üs überhoupt. Aber nei....si isch immer im Abstand vo öpa 3-4m hinder üs gsi u womer aghaute hi grad abghocket. Natürlich isch klar gsi, dass si ds Outonr. wott cho gugge. Aber für das wereni auso nid a ganza Bärg aiglofe ;) Ihra hettis aber guet ta u i hetti si steihert la ailufe u weri nai irgendwo öpis ga ässe ohni zum Outo ds ga :p Irgendinisch hetteni de as Dankeschärtli becho, dass si dank däm Trip no grad as paar überschüssigi Pfund verlore het u dür das ihras Läbenserwartig gstige isch...

Am Andrew hets aber glängt u irgendwie het är Erbarme ghäbe mit däre Frou u si gfragt was si igentlich wölli u het ihra sini Visitekarta gä. Si sigi Wächter vom Nationalpark....Uswis nöööööö....auso ja entweder büschu u chasch di uswise oder du büsch nid...nai isch cho si sigi am häufe kontrolliere...si sigi Parkhäufer....Fründ vom Nationaupark...nai isch iras Fründ/Maa/Begleiter,... cho u het gsit si sigi nume am häufe....si higi nüt mitem Park ds tüe....ok....as git Lüt di hi ifach nüt bessers ds tüe as Polizei ds spiele....Nai het de Andrew ihra äbe sini Visitekarta gä u het wölle ga....wosi ihm nagrüeft het: Do you know what a holy shit you learn your children and grandchildren?!? Toll de Andrew isch itz am Brandons u mi Grosspapi, Barb & de Berni miner Eutere...nice....Andrew het säuber 2 Söhn (15 & 17)....ok...no comment anymore...

Wir si ömu schlussändlech vüu vüu schnäller bim Outo gsi aus sia....ev. het si sech no vo däm Shock müesse erhole u het chli ds vüu Overweight ghäbe ;) Mi hi üs ömu köstlich amüsiert...zersch zwar gnärvt...aber nai isches abgange :)

Am Abe büni nai zu mire Gastfamilie gange u zersch büni grad a chli gschockt gsi, wüu aus chli schnäu isch gange.....d'Muetter git vouhane ab. Si liebts i Usgang ds ga u mi si grad furt ga Bade im Creek *bibberbibber* nai witer anas BBQ mit aus andere wo hie irgendwie id Schu gönge. Im gliche Huus isch no a 2. Schüeler (24) vo Brasilie de João. Är het mir d' Schu zigt u aus andera. Ds Huus isch wina Studente WG. Kollege chäme u gä wisi grad wi...and so on... De erscht Tag het aber guet klappet u i ha o de Schutest überstane u bü scho ga ritte...isch aber chli churz gsi u aus nume im Schritt...wenigstens isch Natur mega schön :)

De Hun isch 7 Mönet aut, isch nid ganz gsun...cha nid richtig loufe,...het mega Schwierigkite. De Sohn hetne "grettet" vorem Iischläfe....isch Mix us Boston Terrier u Franz. Bulldogge. Mache de mau as Foto....irgendwie  a Teppichporsche mit Fläddermusohre ;) Nüt für mir aber immerhin a Hun u glich irgendwie härzig...wimus nümt. Si NAme isch Agador (?) So isch ömu d'Ussprach ;)

Am Abe nachem erschte Tag Schu simer ids Drake. Det isch jeda Abe Karaoke agsit. D'Milli ("Gastmuetter") cha mega guet Singe. Isch super gsi...Am 2 büni de mau ids Bett u am nächste Tag am 8ti umi schön brav ide Schu ghocket. Ha aber dörfe Klass wächsle...zude bessere ;) Itz büni mit vüune zäme woni o scho im Usgang oder bim erste BBQ troffe ha u o mitem João. Mitem blöndlich gfärbte Masahiko (Japaner) büni am Nami chli dür Canmore glofe u zäme himer chli gugget wases so uma het. 2 Kugle vora Glace si öpa so gross wi wedu bi üs 4 nümsch...u so isches nid lang gange u si isch haubisch devoglofe...ehhm grütscht....am Nami himer ide Schu no a Kueche probiert...wäääähhhh....so süess...Zucker pur...di Japaner chü ihnes Geburi auso säuber fiire : P

Auso as macht mega Spass hie u freuemi uf di bevorstehende Wuche!

Bye :)

mhhmmm.....

..."pancakes" si aus mega fein gsi. U schomi hani mir chöne voustopfe mit "blueberries"....

...aber no zersch zu gester....mi si ga spaziere am Bow River, de Brandon het si schön Schwizerhuet verlore, womer nai doch no gfune hi, i ha miner erschte Fotos gmacht u Barbara het mir no schnäu ds Huus zeigt vo mire Gastfamily :) D'Schu hani vo usse o scho gseh.

Am Abe himers schön gmüetlich gno, öpis ds Nacht gässe u irgendinisch mau ids Bett ghüpft. Am Morge am 8ti simer de uf u as het äbe di feine "pancakes" gä vom Berni *mmmhhhmm* mit Beeri, Anke, Peanutbutter,... ifach aus möglicha. Dena himer üs ufe Wäg nach Lake Louis gmacht. De Berni himer de kurzerhand mitem Velo zum Outo usgschosse, da är i däre Hitz het mitem Velo wölle zrückfahre. Wir aber si witer u si chli am See entlang spaziert *wunderschön* Hi schnäu ids Fairmont Chateau Lake Louise gluegt. Dena simer ds Banff churz öpis ga ässe, no schnäu ga ikufe u de mau him. Nai simer äbe zum BQ iglade gsi u hi super guet gässe. Vorhär hani no schnäu mire Gastfamily aglüte....ab mor gits nachem Wandere (7ni uf), am Nami de mau zu ihne....jaja mau ga gügsle :) A Tier hani bis itze "Squerrels" gseh u vo wit wit wäg paar Hirsch....Schöna u für öich Guete Morge für mir Guet Nacht ;)

Bis zur Akunft....

Hey hey Lütlis :)

Am Do büni schön rächtzitig am Flughafe gsi, bü dür Personekontrolla ohni Problem u o schön brav pünktlich im Flugzug ghocket. Das het leider a haubstund verspätig ghäbe, was nai ds London dezue gführt het, dasi numeno knappi 60min Zit ha ghäbe bevor de nächst Flüger flügt....nid amau ds Gate hani gwüsst u bisi dür di 2. Personekontrolla bü gsi isch bereits 16.55 gsi u ds Gate het am 17.05 zueta. Auso hani di schnälle Bei füra gno jedes gäube Männdli u Froueli aquatsch woni dedür müessi u irgendwie mit Sprinte hanis doch no gschaft ds Gate A10a ds füne! Bü nid amau di letschti gsi :p Ja u nach au däm Stress het dä blöd Flüger no 1,5h verspätig :( U näbe mir isch ina ghocket wo a Sack ide Hän ghäbe het. Zersch hani deicht dä higi öpis ds Ässe dri, bis i gmerkt ha das dä nid aso fit isch u dass das sini Kotztüta isch. Vor im Fächli het är nomau öpa 20 ghäbe.....no comment usserd "super"! Aber as isch zum Glück aus guet gange u är näbedra het mir de nai o ghoufe mitem Zettu usfülle für d'Ireis. Trotz däne Verspätige büni am 21.05 dusse gsi u ha nai uf d'Nachbarin gwartet vode Barbara womi abhout. Nach 2x gugge himer üs de du o gfune. Während de Fahrt hani scho dörfe Englisch redä wüu si nume paar wenigi Wort Dütsch cha. Franz weri o gange aber das himer la si ;) Uf de Fahrt büni scho vougstopft worde mit Cherries u ha schüsch vüu erfahre.

Nach 1h Fahrt simer de o acho u i bü mega härzlech ufgno worde vode Barbara, em Bernhard, em River (de Hun) u em Brandon wo churz us sim Bettli gluegt het (1,5 jährig Sohn). I bü aber rächt müed gsi u grad ids Bett ga schlafe.... de nächst Tag, etc. beschriebni de später amau :) Itz bechumeni feini Pancakes, muess no ga dusche u mi nach Lake Louise....schöna Tag u häbets guet!

Auf und davon....

....ab nach Kanada :) Hüt isches sowit....auso ja ga no paar Stündli ga schlafe, aber glich ;) Am 15.15 hissts Abflug vo Genf über London nach Calgary. Packt isch igentlich aus.... ds Handgepäck wiegt scho baud glichvüu wie d'Koffera. No comment was da aus drinn isch...natürlich as feins Fondue, chli Schoggi, ...

Auso guet Nacht...