3 Tag nüt...

...usserd Flussruusche, Füürflackere, Huf im Matsch, amau as Schnaube oder ds Klicke vom Fotoapparat. Natürlech o ds Raschle vom Sandwichpapier, mengisch chli Wind u Rään....aber schüüsch....absolute Stille!!!




As isch ifach super gsi. Nachdäm mi de Phil ds Banff hungrig abglade het, da si Hun im Outo mis Sandwich gfrässe het, isches de o scho baud amau losgange. Mi si nume ds 2. gsi. Zäme mit de Alyssa vo Australie hani mir de ufe Wäg gmacht zude Ranch. I ha mini Sattutäscha packt u mi Wachsmantu engäge gno (muess säge....schön warm u gmüetlich ;)) Churz druf himer de o üsa Guide kenne glehrt....Phil der 2te :P Wi immer u immer wieder bechumeni as wisses Ross (wi in Equador, Frankrich,...) Tja...de Tuffy...het eher usgseh wina Softy isch de mi Begleiter gsi. D'Alyssa het de Ray Leigh becho...a wunderschöna Fuchs....

Jody isch de üses arme Mutier/-esu (?) gsi wo aus het müesse schleppe. Das het si aber super gmacht.



Mi hi üs de öpa am 10.30 ufe Wäg zude Sundance Lodge gmacht. De Ray Leigh het aber de nid aso rächt wölle u isch lieber zrugg zum Stau. Mit Hüuf vom Phil & mir isches de doch no gange. Doch dä Frässsack het scho jedi Glägeheit gnütz irgendwo umi as Büscheli Gras ds erschnouse. Zersch simmer am Fluss entlang, nai düre Waud, entlang amna Trail immer chli ufe u abe....bismer de nach guet 2h irgendinisch am Fluss ghaute hi für ds Mittag....Hamburger vom Füür....u a hissi Schoggi zum Dessert. Bis hie häre himmer no paar Wanderer troffe, paar Squirells u Vögu troffe...mit de Ziit isches aber immer ruhiger worde u nid amau meh di chlinschte Viecher himer troffe....wi Usgstorbe.....definitiv am A....vode Wäut :P Immerhin himer paar Spure gseh.....zersch grad a härziga chlina Pfoteabdruck vomna Babybär.....aber öpa 20cm denäbe a riesiga....Mamabär!!! Quer dür Fäud, Waud u Tal simer de trotz duurfrässer Ray leigh (passti besser zu mir ;)) irgendinisch bide Lodge obe acho. D'Kathy het üs härzlech empfange. Zäme mit de Sarah gugget si chli für Ordnig u kochet....was das Zeug hält.....bruche definitiv a 2ta Sitz im Flugzüg :P



Aja u mis Rössli...de Tuffy...meh a Fluffy isch de doch scho chli äuter gsi...gschätzi 20 u är het lieber mir a paar Äscht la ume Gring schla aus amau dürna Pfütza ds lufe....tztztztztztz...am liebste isch är am Rand vode Büsch na....das hani mu de schön afa abgwöhne...sogar d'Flüss het är schlussendlich ohni zögere dürquert...juuuhuuuiii :) D'Lodge isch ifach nume gmüetlich u wunderschön gsi. Bü schono froh himer inigermasse Glück ghäbe mitem Wätter u dasi nid bü ga Zäutle....uf üs stiffi Knöche het a schön ghitzi Blockhütta gwartet....ohni Strom mit Kerzeliecht....Strom füre Notfau u mau am Abe ide Stuba...ds Kerzeliecht isch aber scho romantischer :D Für uf ds WC himer usi müessi...nume wes dusse dunku isch gsi, himer dine dörfe....aber ja...i has nid chöne la si u bü ide Nacht amau usi...scho nume das isch as Abentür für sich ;)



Ds Nacht isch super gsi....u i bü mit de Alyssa für 2 Tage allinig ide Hütta gsi. Kiner andere Touriste...wunderbar...Nachem fein Poulet mit Gmües, Riis, Salad,...himer de ono a feina Schoggichueche becho. Mmmhhhmmm...für d'Alyssa sogar Glute frii Brownies! Später simer de a chlini Rundi um d'Lodge glofe, hi as chlises Hügeli erklomme...irgendwie muessmu das Ässe umi abtrainiere ;) u si schlussändlich warm ipackt uf d'Terrassa ghocket u hi ifach a chli de Stärnehümmu gnosse....Dena himmers üs näbem Füür ide Stuba la guet ga u si ifach a chli fuu umagläge, hi chli gredt u de Phil & Kathy hi no chli Guitarra gsüut...ifach nume gmüetlich...



Am nächste Morge hets de zum ds Morge feini Muffins, Pancakes, Würstli, Eier,... gä....2ta Sitz....D'Alyssa het definitiv verpennet. Mi si nid im gliche Zümmer wüu si a liechta Schlaf higi.....räusper räusper....am Morge himersi mit 3x Klopfe, 3x rüefe u Triangugeklimpere nid usem Bett bracht....bis de de Phil haubisch ids Zümmer gstüürmt isch. Am 10ni himer üs de ufe Wäg gmacht mit de Ross as Valley ds erkunde....d'Ussicht isch ifach wunderschön gsi....mi hi x Bächer dürquert, Hügeli erklomme, bimna aute, zerfallene Hüttli a kurzi Pousa gmacht u si de schlussendlich witer bis zum Rastplatz. Det isch üs a Typ mit öpa 10 Muutier entgäge cho. Dä het ds Ässe zude Halfway Lodge bracht....wir si aber leider nid bis det häre, sondern hi üs nachemna feine Sandwich umi ufe Wäg gmacht zude Sundance Lodge. Nachera warme Duschi (jaaa, aber nume für 2min) himer de üs kulinarisch umi la verwöhne....i hami umi vougstopft :) Dena het üs de Phil Cribs glehrt....irgend as Spüu mit Karte...bismer de irgendinisch si ga lige....am Morge isch de ds Ufsta scho chli härter gfalle...nume Rään :( Bismer de du aber aus packt hi ghäbe u üs verabschiedet hi, isches de schomi besser gsi. Ufem Rückwäg himer umi Bärespure gseh u o dänes Hinterlasseschafte....ev. o vomna Wouf...aber di Tier hi umi amau frii ghäbe....aber o di brüche Ferie :P



Hotdog vom Füür hets umi am gliche Ort gä wie de Hamburger. Mitera Extrarundi ide Umgäbig vo Banff u no paar Fotostopps simer de öpa am haubi 5i umi bide Warner Stables acho. Nach de Verabschiedig vom Phil, de Alyssa u de Ross büni de no chli dür Banff spaziert, ha gugget für mini letschti Wildlife Tour hie in Banff u ha mau chli umagugget am Bahnhof obi irgendwie a Rückfahrglägeheit ha u cha as Ticket chufe füre Greyhound. Leider isch niemer uma gsi u mis ganze Gepäck hani dete o nid chöne la si :( De büni de näbe dra ga gugge bi Brewster u det isch de letscht Bus am 6i gfahre..vor 10min...:P

Defür hani mis Gepäck dete chöne lah si u bü wi igentlich gewollt no chli dür Banff glofe, ha chli alli Shops agugget u nai schlussendlich öpis ds ässe chuft u bü zrugg zum Bahnhof. Dä isch du de zue gsi u mir isch nüt anders übrig blübe aus dusse ds warte u ds hoffe, dass de Greyhound mir no as Plätzli het u gewillt isch as Ticket ds Verchufe :P Ha scho überleit obi nid gschieder as Taxi nüme....50$....nöööööö!!! I warte di haubstund u hoffe uf mis Glück....u as het sich definitiv glohnt.....Dür das dasi usgseh wi irgendwie 15/16, s scho 9ni isch gsi u di letschti Fahrglägeheit nach Canmore, het mi de Buschauffer gratis la mitfahre...Thanks....Chum acho büni bim Grizzly Paw ga gugge ob ev. öper umi isch vode Schu..nüt....so hani de ds Taxi gno für him....6$....isch glubs no niemer so billig vo Banff nach Canmore ;)



Zrug dehim hani chli afa packe, Blog schriebe,...u bü schlussendlich ids Bett....hüt lufeni itz no chli dür Canmore, gugge dasi hüt am Abe uf Banff di Wildlife Tour cha ga mache u nomau fein ga ds Nachtässe zäme mitem Martin u ev. paar andere...Natürlich würd hüt ono packt :( Wetti so gär no länger bliibe. Fröiemi aber o chli für umi him. Am Mentig gani de no bide Schu ga tschüss säge...u am nami hisst de...



BYE BYE!



See you in Switzerland (or France) :D