Sorry Lütlis, aber as isch so a super Tag gsi i muess grad nomau chli schriebe. Usserdäm büni no grad nid müed....*gähhhn* änderet sech aber nächstens :P
Gester am Abe nachem mega feine Dinner bim Rico (är isch Koch u het üs feini Älpler Macaroni gmacht) büni no chli im Drake gsi u de am 12i mau him no chli ga Mails läse u so....am Morge am haubi 8ti hets de mau ghisse für uf ....isch nid guet für mir am Morge früh ufdsstah ....nöööö...de hani nämlich ds Gfüuh i higi lang Zit u bü nid pünktlich....besser churzfristig. de wissi wasi muess ha, mache,...
Badzüg, Kamera, Food etc....ipackt isches de los gange. Wir (Rico, Isa, Tina & I) hi üs umi bim Drake troffe u nachemna unfründliche Gspräch mitemna Taxicenter...üser Taxi fahre nid det häre müesst mit Cougar Creek Taxi gugge! D'Strass dete isch kaputt u so gö o üser Taxi kaputt...blablablabla....himers de doch no gschafft as Taxi ds organisiere...isch aber o nid bis ganz häre gfahre....nume wäge as paar Stine uf de Strass..tzzzz...
So himer de haut schomau 1h länger ghäbe füre Grassi Lake Trail...dä See isch wunderschön....grüenblau....ahhhh... Leider si di (sexy) Klättere no nid uma gsi :( So himer üs de haut witer ufe Wäg gmacht u si 1h später gstartet ausmer igentlich hi wölle....aber ja...mi si ja no nid vüu glofe das Wuchenänd :P De Trail zum Hellion Peak isch rächt steil gsi, aber super...de Rico wo geschter mitemna Hangover isch cho Wandere, het hüt im Oberschänku irgendwie weh ghäbe...isch aber glich mit cho...herta Siech...är het ja schliesslech müesse üsa Guide si! Nach öpa 2-2,5h (ingesamt 3-3.5h) simer de d'Obe acho....umi mau a wunderschöni Ussicht himer chöne gniesse....ds Wätter isch top gsi! Zum Glück simer zersch uf d'middle Sister...hetti schüsch glubs nüme möge...u nume zum Säge: I wirde ki Wanderniera!!!! As isch ja scho mega schön u as guets Gfüuh....aber i mache gingno lieber Teamsport. As isch jeda Schritt wärt....aber äbe....just walking...u de Hellion Peak isch so öpis vo touristisch...ma gseht Flipflops, .... as isch ja de Huusbärg vo Canmore (zäme mit de Lady MacDonald) aber ja....as isch glich a rächta Hike...wär nie wanderet isch dobe rächt gschaft.....ersch rächt wemu vorhär d'middle Sister erklomme het! D'Obe ufem Peak het de uf üs de Brüetsch, Cousine, 5. Grades oder what ever vom Stanley gwartet. Die fetti Version :) --> Called Fat Toni
Nachem Lunch im Windschatte simer de umi ai u hi üs ufe Wäg richtig Quarry Lake gmacht. Juuuhuuuiiii ga Bade :) Ufem Wäg ai himer hufe troffe wo wui si...i hetti nid möge i däre Hitz u bü froh gsi himers scho hinder üs ghäbe..as het fasch weh ta däne ds säge as göngi no lang bis wui....aber as het o luschtigi Gspänli & Gselle ghäbe wo wui si :D De himer de tatsächlich no Tanja, Sarah, u ....(japanerin) troffe....u zwar rächt am Afang...glube di si mor kaputt....hasse Wandere :P u wi gsit as isch a rächta Biz...
Womer de umi de Strass nah zrug si u wir igentlich hi wölle Outostöpple....si de paar Bärggisse de Hang ai gsecklet...isch cool gsi zum Zuegugge u mi si ihne hinderna glufe...isch amüsant gsi! Bi däne wissmu würklech nie ;) De si 5 uf de rächti Sita u 5 uf de linki, 1 ufem Hügu obe....u ma het ds Gfüuh ma chöni mitem Auto dedür fahre...aber nei...näi seckle si no grad churz spitz vorem Outo dedür wüu si zum Chef wi!!! Isch amüsant gsi...as het so usgseh aus wette si d'Outofahrer chli närve...zersch schön gmüetlich, nai chli schnäller, umi langsam, Strass überquere, 2 Outos dedürlah, umi uf d'Strass hüpfe....nai chunt umi 1 einzelna i mit vou Speed aigsecklet uf d'Strass,.... as isch ömu mega amüsant gsi...u wi ging si di Junge mega härzig gsi :D
Bim Grassi Lake himer de doch no paar schöni Klättere gseh....as isch würklech wi ds Klättermekka vo Canmore....super Wänd zum Klättere...überau sire ghanget...u überau si Tourischte,....gsi. Mitem Rico himer de o Abkürzig gsuecht....as isch nüme a Wäg gsi...aber mir hets gfalle ;) u mi si schlussendlich umi ufem richtige glandet....was wottmu meh ;) Tina isch umi me ufem Füdle de Bärg ab (wie Geschter) aus glofe....
Am 4i nid wi planet uf di 2 simer de doch no am Quarry Lake acho....denn si di andere (Oli, Laurie, Flurina,...) aber grad gäge him u mi hisi verpasst. D'Tina isch o grad him zum Ichoufe u Koche, d'Isa het nume d'Füess badet u nach däm i mir ha afa umzieh für ds Bade, het de Rico doch de gfune är chämi ono schnäu...het mega gfägt schnäu i chaut See ds gumpe :D A richtigi Erfrüschig!
Statt wie geplant umi ds Autostöpple simer himglofe....i ha nai no 15min dörfe himbike...aber ja....ha ja no nüt gmacht ;) So büni de am 6i dehim gsi, ha schnäu a 2min Duschi gno u bü zu de Tina ga ässe. Muess säge as isch sehr guet gsi...Rösti, (Züri)Gschnätzlets u Gmües...mmmmhhhhmm!!!! Ihras Gastfamily isch mega flott u amüsant. Kinder si mega härzig u hi vüu verzäuht. 2x Swiss Dinner...as het sech glohnt :P
As isch i allem umi as super Wuchenänd gsi :D Hike, Swissfood u super Wätter! Richtig Summer :) Mor hissts umi ab id Schu....as chäme 9 oder 10 nüi Lütlis...boooahhh...hoffentlich chü di alli ki Englisch!!! Üsi u di anderi Klass si scho vüu ds vüu :P Nei auso wünsche a gueta Morge i ga itze ga penne...muess schliesslech mor fit si für BBQ, Drake, Bade u Schu ;)
Bye u gueta Wuchestart
Keine Kommentare:
Kommentar veröffentlichen