Mmmmhhhhmmm....fein!!!

Hey hey :)


Am Mentig simer de nachem z'Mittag umi zum Quarry Lake wui. Igentlich hetteni woelle bike, aber mi si du glofe u hi ds Velo gstosse...1. Grund i ha a Glace ghaebe....2. Grund: de Rico het kis Bike ghaebe....3. (hauba) Grund: as isch ds Warm gsi!!! Richtig Summer!!! Womer de d'Obe acho si, hi di fuule wo mit de Schu si ga Braetle scho di erschte Wuerst grilled ghaebe. Wir si aber nume wui fuer ga ds bade u chli ds chille. 3..2..1..Los u ab i See! Mi hi oemu mega fun ghaebe....as si schlussendlech oepa fasch alli vo de Schu dobe gsi :D

Am 4i isch Tina de gange fuer no zuegs idschufe i bue mit de andere no chli bluebe. Chli ga schwuemme,... Schlussendlich bueni de mitem Rico bis zum Oli (aer het nid gwuesst wo daser wohnt) fuer oeppis nues....BBQ ;)

Vorhaer bueni aber no schnaeu him ga Food riche u ga Chlider waechsle. As isch umi mega fein u luschtig gsi...Tina het aber a Sunnestich ghaebe u isch grad umi him. Am Fuer isches de sehr gmuetlich gsi u mi hi de Abe la usklinge...as paar hets no witertruebe ids Drake...aber i bue fuer asmau ids Bett ;)

Am Dsischtig nach de Schu himer de doch no a Helikopterflug ghaebe. Aber diesmau isch ds Waetter oepa glich schlaecht gsi wi ds vordere Mau, nume dases nid graenet het. De isch klar gsi, dasi de Flug nid verlaengere....ha uf de Middle Sister gseh d'Helikopter une deduer fluege :P Dae churz Flug isch aber glich amuesant gsi u i ha doerfe Co-Pilot spiele...Grund: Beschti Kamera ;)
Am Abe simer de ids Kino nach Banff u hi uf de Fahrt oepa 10 Elks (Wapitis) gseh grasse. Kurza Haut, Fotos u witer isches gange. Mi hi ues zwuesche 4 Filme choenne entscheide. Bue mit de Jungs ga The Expendables gugge. Isch fuer Maenner :P Isch lustig gsi zum Teil, het aber nid wuerklich a Gschuecht dehinder u as isch vueu balleret worde...i bue aber Gluecklich gsi mit mim gratis Getraenk u Popcorn :) A grossa Pack fuer mir alinig :D Oli: das sigi gspunne! Oepa niemer aessi soevu Popcorn...i ha mina nach 30min fertig ghaebe ;) Mmmmhhmm....
Di andere si chli enttuescht gsi vo ihrem Film....tja...

Huet simer de zu de Lili him ga koche....igentlich Breakfast...fuer mir meh a Brunch. Mi hi Quiche, Scone, diversi Gebaeck uWurst u irgend a Haepperesalat ghaebe....itz bueni oemu vou :D Huet am nami gits ds Calgary i Zoo. Vorhaer gani aber mau ga gugge fuer Hockeyzuegs ;)


Bye u haebet a schoena Tag