Hey hey zäme :)
Hüt am Morge himer üs ja wi scho erwähnt ufe Wäg gmacht um ini vo de drü Schwöschtere ds erklimme. Am 7.30 himer üs (Rico, Tina, Isa & I) bim Drake troffe u probiert as Taxi ds bstelle...leider isch nume 1 vo de ganze Nr. gange, di andere si alli fautsch gsi. So himer de churzerhand, da ds Taxi 45min ghäbe heti bis zu üs, i Tankstelleshop ga frage für ds Nr....u hie de o 5min später as Taxi ghäbe :)
Leider het das nid genau gwüsst wo dasmer häre müesse u mi hi de erscht Abstecher zum Goufplatz gmacht...Het schono cool usgseh so mitem Taxi ana Igang vomna super Hotel gfühert ds wärde ;) Schlussendlech himer de anschinend de Start gfune...am Fahrer siner 10 $ gä u hi üs ufe Wäg gmacht. Doch leider isch überhoupt nüt agschrübe gsi u mi si irgendwo fautsch abboge u schomi ufem Goufplatz glandet. Die erschte Goufer hi üs i di fautschi Richtig gschückt u üs no vorma Grizzly gwarnet wo hie umaschländeret...nai het üs irgend as Froueli nomau überna Bär informiert (diesmau a Schwarzbär?!?!?) u üs umi zruggschückt...mi sölli zum Loch 4 u 5 det sigis de nai scho agschrübe...ahh jaaa!!?!?!?! Us nächsts himer de as Froueli imna Goufkäreli aghaute u di het üs o umi voremna Bär gwarnet (sigi aber nid sicher wo wie was,...) u si het de per Funk mau gfragt wo dasmer häre müesse....aus zrug bis zum Afang wo üs ds Taxi usigla het...u nai ifach amau witer...anschinend hets de a Brück....so himer nach 1h Goulfplatz Warm up de üsi Wanderig chönne i Agriff näh. 9.15 himer de du as Schüud gfune...Middel Sister --> Nach 5min isch de o as Brückli cho....2 Latte übernas mini Bächli ;) Egau houptsach mi hi de Wäg gfune :P
Querbeet ein dedür, de Wäg nume so chli aghuchet...himer de Wäg ömu gfune...o wemune mengisch chli het müesse erahne. Irgendwo isches de nüme würklech witer gange, wir hi aber as paar Stümme kört u si so am nasse Hügu na wui, statt de ev. liechter Wäg dür d'Steine... obe acho (erscht chli Hügu) himer a schöna grüena Hügu ghäbe zum Überquere. Hie himer de o die erschti "Pousa" gmacht. Ds Sicht isch scho guet gsi u mitem Blick gäge wui het d'Tina gmint, wir sigi ev. aliinig..as git öpa no 1h wui oder? Nei, das tüscht :P Mind. no so 2h. De Rico & I si wit vorus, währends di andere gmüetlich hinderna si. D'Ussischt isch ungloublech gis...ha no nie so müesse chrampfe für a Bärg wui ds ga/wandere. Isch aber jeda Schritt de Wärt gsi, o wemu 2 Schritt glofe u 1 zruggrütschts isch. D'Obe (12.32) himer d'Ussicht (hammermegamässigschön) gnosse u üsa Lunch ghäbe Zudäm himer probiert chli ds si...aber as isch mega chaut worde mit de Zit u so hiemer de doch schomi ehner de Rückwäg atrete. Mi hi auso gueti 3h 15 ghäbe für long. Plus natürlich de Goufwäg für 1h und für ai simer de definitiv schnäller gsie aus deicht. Schlussändlech simer 8.15-17.00 Underwägs gsi.....versuech nomau as a Taxi ds spelle isch de a volla Erfoug gsi....
Ha no nie miner Bei so gspürt wie bi däre Wanderig :)
Sodeli mor gits ufena andera Gipfu u a 2 See chli ga chille
Bye u schöna Sunntig
Keine Kommentare:
Kommentar veröffentlichen