Hey hey :)
Am Fritig isches friwilig obmu id Schu wott oder nid u am Mentig isch frii so himer as sehr sehr längs Wuchenänd vor hüs (ghäbe)...
De Farners Market isch super...überau chamu probiere u mache u tue. Wemu überau probiert hetmu scho fasch a Mauzit zäme :) Ma chas nai de glich nid lasi no irgendwie a feina Pie ds chufe mit irgendwelchne Beereni, Griechisch ds probiere,...
Am Abe hani de packt für äbe 2 Tag ga z'Wandere in BC. Nüerdings hissts nüme B(ritish) C(olumbia) sondern BBC --> Beautiful British Columbia ;) As isch ungloublech gsi...mini schi**** Kamera funktioniert nüme wüu öpis nid stümmt mit Kartezügs!!! U genau denn gsehmer a Bär, hei hei gugg det ähhhhh a Bär :P später booooaaaaahhhh das isch a Wouf gsi.....mi si grad "chli" üeberrasch gsi, das di de Strass nah gwanderet si, aber di andere Outo hi si nid gseh....später si no as paar Reh u Hirsche umagsi...
Zersch himer wölle ga gugge für irgend a Unterkunft u hi nüd würklech gfune...nachdäm wir a feini Glace (Chocolat & Penautbutter Brownie) ghäbe hi simer de zruggfahre um no im vordere Dörfli öpis ds füne u si ufenas Schüud gstosse mit Bed & breakfast....mi hi mega Glück ghäbe. Wunderschöni Cabins...igentlich sis ja 4er aber mi hi nid schwierig ta u si 3 im King Size bed ga schlafe, di andere 2 ufem Doppubett vom Couche. Vorhär simer aber nomau ids Dörfli "Indermere" füri u si a Beach chli ga plantsche...de Olli het sech zersch gar nid so trout u het chli d'Memme gspüut wägem steinige Bode....ohhh my feets....;) Aber woni de gsit ha är sigi as Chicke ischer de glich no rächt schnäu im Wasser gsi ;) Am Abe simer nai mega fein im Lakeside pub ga ässe...u mi hi Putin oder wis hisst probiert us Vorspiis. Pomme Frites mit Bratesauce u Käs :P Anschinend öpis womu ds Quebec no vüu isst...Olli chunt vo dete...natürlech himmer ihm o vüu Zügs uf Dütsch glehrt. Am Abe nachem feine Salattäller (ja!) mit Steak u nachem erste Schnitzu füre Olli simer no lang dusse ghocket u hi über aus möglicha disskutiert :)
Nach wiedrum ungfähr 5h Schlaf simer de uf u hi üs parat gmacht für üses grosse Canadian Breakfast wo üs Deborah (Bsitzeri vode Cabins) versproche het....vo Spiegueier mit Schinke zu heisser Schoggi, Kaffi, Pancakes mit Maple Sirup u Öpfu-Rhabarbermuess mit früschem Orangesaft,....
Mit vollem Buch simer nai ga wandere...wui zum Stanley Glacier. Det himer witer über Tier diskutiert womer alli no wette gseh...anschined hets hie ds Canmore chli näbe usse o Cougars (Puma) u ma müessi scho ufpasse ide Nacht :S
D'Wanderig isch sehr gmüetlich, aber sehr schön gsi. D'Obe himer paar Fotos gmacht, d'Mila het meditiert (isch zum Buddhismus übertrete) u hi chli gfulänzet. De isch as Streifehörndli mega nöch cho u het sogar wölle us de Han cho frässe bi mir. Wenigschtens het de Olli paar Fotos chönne mache :) Är het ihm o de Name Stanley gä u am 2. womer gseh hi Cup --> Stanley Cup wägem Gletscher u o wägem Olli winer o Hockey spüut : P
Während de Rückfahrt himer de no a Elch gseh mitemna Junge wo d'Strass überquert hi. Di si riesig...
Zrugg ds Canmore himer abgmacht dasmer mor nach Lake Louise gö ga wandere u dasmer de ds Banff no haute u ev. BBQ mache. Zum Glück ässemer de ganz Tag Frücht während de Usflüg schüsch hani de würklech Problem mitem Platz im Flugzüg ;) Aber i muess säge dass de dä Hamburger im Grizzly Paw sehr sehr guet isch gsi...nid wina Burger im Mac. Alles früsch u super :D Mmmhhhhmmmmm
So verabschiede mir mau u hoffe cha mini Kamera so schnäu wi möglich flicke...that sucks!!!
Häbet a gueta Wuchestart....wenni Zit ha tueni no Büuder uf Picasa...uf Facebook si schüsch as paar vom Wuchenändtrip....under Olli Granon...
Bye
Just to add: Save a tree, eat a beaver : P Isch ufemna Bus gstane ^^
0 Kommentare:
Kommentar veröffentlichen