Hey hey Lütlis :D
Wie gits öich so?
I bü nach üsem Wuchenändtrip am Mentig (hi frii ghäbe) mit de glichlegi Gruppa nach Lake Louise. Isch immer no mega schön dete. Diesmau simer aber zum Lake Agnes wui gwanderet. Nach guet 1h himer de ds Teahouse erreicht u hi schön gmüetlich öpis gässe bevor wir üs umi ufe Wäg gmacht hi für ai. As isch haut scho a Tourischteort. Nachemna 2. Blick ids schöne Hotäu himer üs de ufe Wäg gmacht nach Banff. Igentlich nume für schnäu öpis ga ds ässe oder ds triche. I has aber nid chönne la si nomau ina Lade ds hüpfe u ga ds frage wäge mire Kamera. So si d'Flurina & Co im Starbucks gsi (umi as mau ;)) u i ha vergäblich probiert mini Kamera ds rette... :(
Nach as paar kufte Karte,... u am na gscheiterete Versuech irgendwie a Glace ds becho, himer üs du nai ufe Wäg him gmacht.
Natürlich isch Mentig am Abe gsi u uf di 10ni büni mit de Mili umi ids Drake. Das isch sozäge as MUSS ;) I bü aber rächt müed gsi...u usemna blöde Gspräch het sech ergä, dasi nächst Wucha am Mentig am Abe as Lied singe....defür bechumeni a Massage (1h :D)...das lani mir nid la entga ;)
Am Dsischtig isch de umi schu agsit gsi u mi hi 9 nüi Schüeler becho...2 auti Tante...u ihna vo Rom si zu üa id Klass cho. Dä het aber hüt schomi Klass gwächslet u defür isch Tina vo Luzärn dezue cho. Wi immer isch o dasmau de Unterricht mega amüsant gsi....Schneider nüm dir as Bispüu :P
Statt wi geplant ga ds Schlafe, hani mit de Ste gskypet u nai ono mitem Päpu ...
Am Dischtig Abe isch de ds Capoeira usgfalle wüu d'Mili hüt git u mi si haut "nume" ga Tanze....jawohl!!! 2h Funky irgendöpis...isch super gsi. Mi hi zu Gwen Stefani tanzet u am Schluss igentlich de ganz Tanz chönne...De Tanzlehrer Joe isch no a flotta, luschtiga u hübscha gsi......aber....a Männer interessiert. Isch sehr amüsant mitum ds tanze....het de Hüftschwung mega druf ;)
Hüt am Abe isch itze umi mau BBQ agsit u i bü chli spat dra gsi ;) Aber am Nami na de Schu büni mitem Masa & de Mathilde zum Quarry Lake gfahre mitem Velo.....hani scho mau gsit wi verdammt schwer mis Velo isch....hasse wui fahre!!! Aber ja, isch grad as guets Training...zersch isches zwar a Witz gsi, nai simer aber ume See umglofe u si ga bade... :D isch mega luschtig gsi....mi hi üs ide Sunna uf Bänkleni la wärme u tröchne...nai si hufe Lüt verbi glufe....de Masa jedes mau: Hey :) How are you? Plötzlich si de Rangers cho...genau ds glicha...si hi nume grinset :P Nachem tröchne simer de no bim aute Schubus ga Glace ässe....zäme a riese Pot....vo Schoggi i aune Variante zu Erdbeeri u Cookies mit Cream and Dough....hhhhmmm!!!
Am 6i himer üs (nume di "jüngere" Schüeler) bim Sobey's troffe für ga idschufe...vo Mais über Pepperoni, zu Tomate u natürlich amna feine Steak himer aus ghäbe...sogar paar Marshmallows u as feins Dessert vode Laurie (Früchtetiramisu). Natürlich darfi o de fein Teigwaresalad vode Isabelle nid vergässe...so wie de grüen Salat --> dä isch de meh oder weniger für di andere gsi : P
Mor hissts nach de Schu ab uf Calgary, am Abe ev. Capoeira probiere u dena no chli i Usgang...Am Fritig fahre wir de nach Jasper zum Campe, Wandere,...hoffentlich mit de nüi Kamera u de Möglichkeit umi vüu Tier ds gseh... Wir nenne si inzwüsche: The big five (wie ds Afrika :)) Elch, Wouf, Baer, Puma u entweder Orca (gsehmer hie eher nid) oder Bighorn Sheep and Goats --> hi üs no nid entschiede. Wahrschinlech nenne wir sie de um i: The big nine oder so...git no so vüu ds gseh hie :D
Freue mir uf ds Wuchenänd u wünsche öich no a gueti Wucha!
Bye
Keine Kommentare:
Kommentar veröffentlichen