In love with Canada :D Great weekend,...

Hey hey :D


Wiss gar nid wo dasi söu starte :P As isch ifach nume HAMMER gsi ide letschte paar Tage!! jaja eppa mau de Reiha nah ;)
Am Donnschtig hani ja uf Calgary wölle für di nüi Kamera,....as himer alli abgsit :( Nai isch aber usa cho das de Phil uf Calgary muess (irgend as Gspräch,...) u är het d'Mili & mir mitgno. Vorhär büni bide Barbara no ga gugge für Campingzügs woni dörfe uslehne für uf Jasper.
Fahrt nach Calgary isch de o amüsant gsi u nachem Haut bim Asiat hani du doch no mini Kamera chönne chufe...hetis bereut hetteni kini ghäbe! Denah simer no chli ga Shoppe u beidi himi so chli berate wasi söu chufe...Geld adé zum 2ten....nai himer tatsächlich no a Westernshop gfune u i bü zu mine Cowboystüfle cho :D Geld adé zum 3ten...!!! Am 8ti het de de Phil sis Träffe ghäbe u i bü mit de Mili no chli witer dür d'Mall glofe...riesig...aber das sigi nume ganz a chlina :P
Am 10.10 simer de bepackt mit Popcorn (mit Butter), Donuts u Ice Tea ab ids Kino ga de nü Twilight gugge....as isch unglublech wi lang das di Wärbig zige i däne Kino! Aber defür hisi ki Pousa :)

Schlussändlech simer de am 2 am Morge dehim gsi...u i ha no müesse aus packe für ds Wuchenänd....am 7ni uf :(

Aber o das mau hanis gschafft u nid wi ds Wuchenänd devor de Wecker verpennet --> het aber de no glängt ;) Mi si nai richtig Jasper gfahre mitemna vougstopfte Auto u hi sehr sehr vüu Sache gseh....dasi nid amau meh wis was aus wie wo wenn... Zersch simer dür ds Bow Valley gfahre u hi am Bow Lake de erst länger Haut gmacht....isch wunderschön gsi!!! So blau!!! Nai simer witer (mit unendliche Fotohauts) bis zum Peytolake....wunderschön....igentlich himer dete 3-4h wölle ga wandere....aber de Wäg het scho nach 15min ufghört u irgendwie simer nid sicher gsi wos dedür git....so himer d'Ussicht gnosse u hi nai doch no a andera Wäg gfune womer de gno hi....zwar nid zum Gletscher, aber as isch grad so schön gsi....mi hi hufe Marmots (Murmutier?!) gseh! Is isch ging umi chli cho u het a wiss am Kopf ghäbe.....u wieder ja scho gmerkt hit, bechäme bi üs irgendwie alli Tier a Name....das isch de d'Lili gsi :D
Währendem Ussicht gniesse het de z'Wätter afa schlächter wärde...ufem Wäg zrugg simer diräkt i Rään cho u as het liecht afa Gwittere....mi hi aber alli z'Gfüuh ghäbe mi loufi de diräkt ina Wan us Rään, aber nix dergleichen....as het ifach so chli gränet, nid gschüffet....het aber vo witem mega wüescht usgseh!

Womer de witer si himer zersch mau chli gschlafe im Outo u natürlich ging chli gugget für Tier u so...Blueme si vor allem zum Teil wunderschön :) Nach diverse See & Flüss himer üs de entschiede a Camping ds sueche...ds Wätter isch izwüsche umi besser gsi...nid schön aber trocke ;) Bim Jonas Creek himer de a Platz gfune. Ma muess ifach as Couvert mit Betrag u Name,... usfülle u ina Box schiesse...chenntemu ide Schwiz nid....

Nachem Zäut ufstelle u Houz hole simer no zu irgendwelchne Wasserfäu...wiss de Name nüme...aber isch ömu mega schön gsi....1h chli ga loufe, fötele,... wunderschön....a ja u de Ollie isch liecht liecht verknaut id Laurie ;) Di zwü si köschtlech....

Am Abe himer de mega Hunger ghäbe u imna aute Topf ufem Füür Pasta gmacht....si di beschte gsi sit langem :) Nachdäm himer üses Zäut igrichte....5 zäme imna 5er....aber isch mega knapp gsi dä Platz...wedu chli gross büsch....kein Platz :) Di andere hi alli kis Mätteli ghäbe, sondern alli nume so a dünni Bettdecki....puhhh di hette o grad diräkt am Bode chönne liege....

Die chline si am Rand gsi u di grosse ide Mitti, das dete meh Platz het ghäbe....wir hi alli z'Gfüuh ghäbe as wärdi de mega chaut u hi üs warm ipackt....bis öpa am 12i simer am Füür ghocket u his gmüetlich ghäbe u lislig zäme gredt....plötzlich zündet a Taschelampa ani u ihna mitemna dütsche Akzänt rüeft: so itz chüter sövu Lärm mache wimer welli....si göngi....u si vougas devogfahre....mi si öpa 3 Plätz witer gsi u hi nume gflüschteret...näbe üs isch as anders Paar gsi womer gfragt hi obs störi schüsch chönnemer o bis a Fluss füuri....nenei si köri üs nid....auso wiss nid was de andera gspunne het ;)

Ide Nacht hets de afa Rääne u hetsch schnäu aus nass gmacht....ds Zäut het zum Glück inigermasse ghäbt...aber mi hi alli vüu vüu ds warm ghäbe ;) Am Morge nachem feine Z'morge himer üs de im Fluss gwäsche...u si nachemna Z'morgemix witer in Richtung Jasper uf de A93.

Trotz de Wärmi im Zäut isches mega früsch gsi u mi hi zersch wölle a Kaffi haut mache....schlussändlich simer aber de grad bis Jasper...Hissi Schoggi für Tina & mir, Kaffi für d'Laurie u d'Isabelle u a Hamburger mit Frit füre Olli....da wir chli verpennet hi, simer ersch am Mittag zum Kaffi,... cho :) Nachemna churze Ikouf himer üs de witer ufe Wäg nach Maligne Lake gmacht.
D'A 93 hisst nüme A 93 sondern Animal Road....isch doch de Vortag rächt lengwilig gsi mit nume paarne Streifehörndli, de Lili u ihras Kumpane u paar Reh vo witem, isch dä Tag a volla Erfoug gsi.....de 7. August isch ab itze de Animal's Day!!!

Zersch simer zu irgendwelchne Canyons...o umi mega schön...chli ga lufe,... u uf de Wiiterfahrt himer de a riese ELK gseh (Englisch für Wapiti) As isch amüsant ds gseh....wi irgendwo im nirgendwo nume 1 Outo stüu het für öpis ds Fötele...u am Schluss stö bis zu 10 Auto am Strasserand ;) Dä Elk het sich gar nid la ischüchtere u het schön häre ghäbt für Foto's.....chum simer witer gfahre het d'Isa gmint as schmöcki nach Bär u si schomi Auto's stüu gstane. As higi grad a Bär d'Strass krüzt...mi hine verpasst!!! Nei!!Churz druf isch schomi a Autoasammlig gsi, aber no gfahre....a Gruppa vo Bärggeisse(?) het d'Strass blockiert u mi si langsam näbehär gfahre....isch so härzig gsi mit de Junge :D

Chum witer himer aghaute am See u hi paar Rangers troffe wo üs de erklärt hi das es a Elk isch gsi u nid as Karibu wi de Olli (üsa Kanadier vo Quebec) behouptet het ;) Leider himer kinner Karibu gseh, obwouh das ds Gebiet defür weri gsi :( Aber chum witer isch a chlina Hirsch am Strasserand im Gebüsch gstane....so härzig :) Schlussändlich himers de bis zum Lake gschaft u hi probiert drumum ds loufe. Det hetti a berühemti Insla sölle si...nachem feine, späte Z'Mittag (am 4i am Nami) himer nach guet 30min gmerkt, das de Wäg a Boge macht u nüme am See na git...mi hi de o erfahre, dass wir mitem Boot hete müesse ga u ds letschta am 5i gfahre isch....so himers haut müesse la si u hi defür innerhaub vo 5min 2 Elche gseh :D Ina änet em Lake im Wasser u ev. isch no ina im Waud gstane...u grad churz druf im Auto himer ina gseh näbehär seckle im Waud...aber as isch a chlinera gsi...nid so gross wi de erscht woni gseh ha....

U nai himer natürlich alli wölle a Bär gseh....u während de Fahrt sit d'Isabelle umi as schmöcki nach Bär u öpa 5min später himer de o tatsächlich hina gseh....a chlinera, junga Schwarzbär (scho vo de Muetter trennt, schüsch hetemer Problem becho). Dä het sich nid so la beidrucke, witer gfrässe u isch bis uf 3m näbe üs gsi :) Natürlich ds Outo so chli dezwüsche....

Chum 10 Kurve witer het wit vor üs schomi a Bär d'Strass krüzt, isch aber üsere Kamera entwüscht ;)

Am Abe himer de umi a Camping gsuecht...aber schomi ufem Rückwäg, de erschta isch aber vou gsi u so simer witergschückt worde...umi himer a super Abe zäme ghäbe, zäme kochet (Reis mit Thun, Gmües,...füre Olli mit de fürige Würstli...mmmhhhmmm!!!

Ide Nacht himer natürlich weniger a ghäbe....u diesmau isches aaaa.....chaut gsi...mein Gott u wir si am 6si uf....damit mir de o ja am 11 bim Gletscher si für üsi 3h Wanderig...vorhär himer aber nomau as paar Wasserfäu agugget u vüu Foto's gmacht ufem Wäg....Natur hie isch ifach wunderschön...
Sodeli das isch mau wasmer so gseh u gmacht hi bis am Sunntig am Morge....wi de Gletscher, Rückfahrt, Banff u ds Singe isch gsi schriebeni no ;) Fotos chäme per Picasa oder so!!! Ga itz de ga Klättere u muess gugge dasi no öpis ds Nacht bechume : P
Auso bb u aus Gueta!!!