Mitem Philip, em Indi, de Mili u de Abbey (5Mt. Weimaraner --> Ste :))Mega haerzig! De Boottrip isch no cool gsi. Ds beschta natuerlich dasmer gratis hi choene ga ;) Schad himer de Grizzly nid gseh...tja
Am Mentig nami hani de na de Schu mit de andere Poker gspueut u si nachem ds Nacht no zaeme ids Drake. Dsischtig na de Schu isch de Klaettere agsit gsi. O das het mega gfaegt u i hami scho gfreut no ga ds tanze, das isch aber abgsit worde. Am 9ni bueni de mitem Francois, Martin, de Sarah u de Tanja ufena Safarifahrt....stupid tourists :) Mi waehrendem idunkle fuer guet 2h quer dur abglaegeni Gebiet gfahre fuer Tier ds gseh...as het hufe Reh ghaebe u mi hi o 2 Elche mega lang choene beobachte. Bim einte simer usgstiege u hie vom Huegu us chli choene zuegugge. De ischer de aber ploetzlich devo glofe u as het nid wit awaeg mega knacket...aus het irgendoepis a Boum umgstosse....as isch stockdunku gsi u wir si innert 2-3 sec. alli zaeme umi im Auto ghocket :)
Nai simer richtig Banff gfahre u si Wild Bill's Saloon no ga Karaoke Wettbewerb gugge. D'Mili isch ide Jury gsi...dehim bueni oepa am 2i gsi u dusse isches no schoen warm gsi u i ha bis am 3ni ifach no chli d'Ruhe gnosse uf de Terrasse.
Am Mittwuche bueni de mit de Mili, em Indi u em Joao nach Calgary gfahre....zersch simer i Galaway(?) Funpark...nach drue Bahne het de Joao ufgae u isch nueme mit....as ischmu mega schlaecht worde....
Simer duer Downtown gfahre u hi chli Zuegs kuft fuere Joao (Objektiv,...). Nai simer zumna Hockeystore woni igentlich miner Schloef ha woelle chufe,...aber ja..mini chline Fuess....arrrggghhh...defuer hani Hose, Knue,....u so kuft. Am Abe simer de ids Kino..u am Do am 5.30 losgfahre fuer nomau ga Tier ds beobachte....aber meh aus as paar Spure, as Bighorn Sheep vo witem u hufe Reh himer leider nuet gseh...irgendwie hi di Tier alli friii!!!
Am Nami himer de wölle ga schlöfe (Schlittschüele :P), aber as isch Shinney Drop Inn gsi. Das heisst: nume it ganzer Usrüschtig oder gar nid :( Auso heimer di gmietete Schlöf zrügbracht u sind de kurzerhand wieder emal zum Quarry Lake --> ohni Bade defür Schlafe ;)
Am Abe hanis de dehei gmüetlich gno u am Fritig hani ide Schuel wölle ga Znüni näh mit de andere, bi aber schlussendlich nid nume ga Znüni näh, sondern no grad ide Lilli's Klass glandet u han de am Unterricht teilgno. Am nami sind de Francois, de Martin, d'Sarah & d'Tanja ga Skydive u i ga Ritte.....u usserdäm hets zum 2. Mau chli Schnee ghäbe uf de höhere Bärge :)
Ds Ritte isch diesmau chli besser gsi. Mi si o mau ganz ganz kurzi Streckene trabet. Immerhin :P Aber ja....bimers glaubs scho denn chli röiig gsi bini nid mit ga Skydive :( Aber isch ds tüüür...ha hie no anders vor!
Am Samschtig hani de am Morge wieder mau chli länger ds Bett ghüetet u bi de am Nami ds erschte mau uf d'Schlöf. Allei, da de Martin, etc. si ga Video schnide mitem Francois zäme. Woni de am 4i zune gange bi.......bin is de mir definitv röiig gsi, dasi nid mitbi. As sigi ds besta wosi je gmacht hige...si higis nid gär....si liebes ;) U woni de ds Video vo allne gseh ha, hani dänkt.....das muessi o mau mache....definitiv!!! Am Abe simer de nach Banff i Usgang....Zersch inas Beizli....mi zauht Drink = Banff Bikini Remover ;) Jaja...isch a starke gsi! Chli später simer de ids Aurora no chli ga Tanze u de letscht Abe gniesse mitem Francois, de Hisayo u de Arika. Het alli chli agschisse das de Francois isch heigange. Am Morge am haubi 4i ids Bett u am 9ni simer schomi bi ihm im Trailer ghocket für ds Tschüss ds säge. As isch di ganz Nacht so chaut gsi! Bbbrrr!!! Biiiibbbeeerr! U as het sogar de ersch richtig Schnee gä! Öpa 300m witer obe uf 1500 / 1600m ! Schad isches so bewöukt u grusig gsi...aber i hoffe i cha mor as schöns Foto vode Schneebärge mache.
De Francois het üs grad no zum Z'Morge iglade....im Hotel "Chez Francois" Zäme himer de Nord American Combo gno! Mmmhhhmmm! Rüherei, Späck, Pancakes, Frücht u Frenchtoast! Sehr fein gsi! U währendem Bstelle guggeni quer düre Ruum u gseh änefür öper hocke womer bekannt vor chunt....bümer aber nid sicher gsi! U de gsehni de Ma (Pauchard vom TSV Düdinge) u bü grad ufgsprunge für ga Hallo ds säge....d'Wäut isch scho chli :D Ungloublech!
Nachdäm de doch no Träne gflosse si wägem Francois üsem Quebecois, simer de churz him u nai am Nami zäme ga Schlöfle. De Roman isch ono cho u het siner Hockeystöck mitgno....leider isch Family Skate gsi u wi scho beschrübe, isches nid wi ide Schwiiz. Ke Unterteilig vom Fäud womu nai chli chenti Hockeyle...nöööö...so simer haut chli ufgfahre....
5min vor Schluss het de a chlina Büebu si Stock füra gno u so hi di 2 Jungs ds Gfüuh ghäbe, dass dörfi si o....nach 15min si de alli gange gsi usserd wir....u de Iischmeischter oder so isch cho....u mi hi scho gmint ghäbe mi müessi ga....doch är het üs gfragt obmer as Gou wette u no paar Stöck :D Natürlich!!! So himer de doch no dörfe Hockey spiele u i bi glücklich gsi. Nachem Z'Nacht simer de no ids Grizzly Paw umi mau is ga zieh :)
Mor ab i di letschti Schuwucha :( Wünsche a Guet
0 Kommentare:
Kommentar veröffentlichen