700km u Jetlag :P

Hallo zäme :)

de wimer doch grad witerfahre....hami ja sehr gfreut ufe Zoo....aber ja wi immer si d'Gheg ifach vüu vüu ds chli u as het mi nach kurzer Zit numeno agschisse, wi di andere o :( Ha deicht ev. in Kanada wosi vüu Platz hi, würdesis schaffe grossi Ghege ds boue...vergiss es...si sogar mengisch chliner aus ide Schwiz :((

Aber ja...am Abe büni de himcho u de Vater het kochet...mmmhmmmm...är isch cho u as sich super gsi!

Am Donnschtig hani igentlich amau chli wölle gmüetlich dehim si, chli mail läse, Juhu organisiere, etc. Aber nei as paar gö umi zum Quarry Lake u frage obi mitwölli....natürlich ;)
Nume hani ds Badzügs nid debi! Aber äbe, statt wi gewollt d'Obe ds schlafe us gmüetlich ds näh himer mit paar Chips, Cookies, Frücht u enand chli ärgere de nami verbrunge....bis i schlussendlich mitsamt de Kleider im Wasser glandet bü! Danke Martin & Rico!!! As wunder das de François nid mitgwürkt het.
Dena, mit trockene Kleider, büni de mitem Martin u de Tina ga as chlises Gscheichli chufe für d'Flurina. Im Grizzly Paw himer de umi fein gässe bevor wir üs verabschiedet hi vo de Flurina. Si reist witer u i gseh si de ev. i 2 Wuche ds Vancouver umi :) Mit as paar andere simer no ids Zonas chli ga tanze,...

Am Fritigmorge hani umi mau chli vüu wölle mache u ha schlussendlich aber nüt gmacht. Ki Wösch, nid ufgrumt, nid Vorkochet füre Samschtig, ifach nüt! Am 12i simer de nach Calgary gfahre zum ga Bogeschiesse. Het gfägt, aber mi Arm isch blau! Het 2-3x vou draknallet! Tja...
Am Abe hani de doch chli Zügs kochet für am Samschtig u bü nai ads Spanferku ässe. Mmmmhhhmm! Fein u luschtig gsi!

Am Samschtig simer de am 6.15 losgfahre füre Revelstoke National Park. Ds Wätter wäge de Füür (zum Teil kontrolliert) isch nid aso toll gsi, aber glich immer chli besser worde. Am 10ni simer de ds Revelstoke gsi u hi a chlina Märit agugget u öpis truche imna härzige Beizli. A...ja u mi a Jetlag ghäbe...mi hi 1h müesse umstelle :P boahhh! Auso himer 1h gwunne u hi üs dena ufe Wäg gmacht chli aus ga adsgugge.
Ma het ade Natur agmerkt dasmer nüme würklech ide Rockies si... het chli meh usgseh wie ide Schwiiz u nai isches de fasch scho chli "tropischer" worde. Mi hi rise Büüm gseh, has chlises Moor bsuecht u us allererschts simer aber ufe Mount Revelstoke. Gfahre, glofe u am schluss himer de grad det obe mitera wunderschöne Ussicht ds Mittag gässe. Uf de lengi Rückfahrt himer äbe chli überau ghaute u immer d'Ouge offe ghäbe für Tier ds gseh! Aber di hi glubs free ghäbe...bis ufenas Chipmunk u as anders murmutierähnlich Tier hiemer nüt gseh. Am Schluss isch de di lengi Fahrt (Hi-u Rückwäg zäme ca. 700km) langsam chli närvig worde....u alli si müed gsi. Nai hets ghisse Abschied näh vom Rico u de Tina :'(

Igentlich hani de andere gsit i chämi mit i Usgang nach Banff u hane churzerhand nomau gschrübe, aber leider sisi nüme online gsi u so hani haut de Abe alinig dehim verbracht. Defür hani ds Mail für ds Juhu gschrübe, no chil chöne Fotos agugge u spichere,...

Hüt hani glubs ds erschte Mau i däne 4 Wuche chöne richtig usschlafe :D Itz gani de mau ufena Boottrip mit de Milli, em Indi u em Philip. Ev. chunt de Darren o?! Ds Wätter hie sich aber nid aso schön....as chunt aber de schomi besser :)

Lieba Gruess u Fotos chäme nächstens!